တနွံအံၤတၢ်ကစီၣ်လၢပကစိာ်မူအီၤမ့ၢ်ဝဲ

တၢ်သးဒိၣ်

အ့ဖ့းစူး 4:26

သးဒိၣ်ထီၣ်ဒီးမၤကမၣ်တၢ်တဂ့ၤ.လၢသုတၢ်သးဒိၣ်ထီၣ်န့ၣ်သုတဒုးလီၤနုာ်မုၢ်တဂ့ၤ.

တၢ်သးဒိၣ်အံၤတဂ့ၤဘၣ်,တၢ်သးဒိၣ်အံၤမၤကမၣ်တၢ်တုၤဟ့ၣ်ပှၤတၢ်သံသ့ဝဲလီၤ.တၢ်သးဒိၣ်အံၤမ့ၢ်တၢ်အၢဖးဒိၣ်အကျါတခါလီၤ.တၢ်သးဒိၣ်အတံၤသကိးမ့ၢ်တၢ်သးက့ၣ်,သးကါ,သးဟါ,သးအုၣ်,သးဖျီး,သးတလိၤ,သးအ့န့တဖၣ်လီၤ.တုၤသးဆဲးအဲးသးဒဲးချဲးတဖၣ်ဟဲမၤတံၤသကိးဃုာ်တဘျီတၢ်အၢဖးဒိၣ်အကျါတခါလၢအမ့ၢ်တၢ်သွံၣ်အကျိဘၣ်ယွၤလီၤန့ၣ်ပိာ်ထွဲဃုာ်သ့ဝဲလီၤ.တၢ်သးဒိၣ်အံၤဒုးအိၣ်ထီၣ်တၢ်ကတိၤအၢ,တၢ်ကတိၤတမုာ်တလၤတဖၣ်ဒီးပာ်လီၤတဲာ် တၢ်သးဆါသးတမုာ်,သးတၢ်ခီမဲၣ်လၢအလီၤမၢ်ဝဲတန့ၢ်နီတဘျီတဖၣ်လီၤ.လၢတၢ်သးဒိၣ်အဃိတၢ်မၤဆါပယွဲ,တုၤတၢ်မၤသံဆူၣ်အိၣ်ထီၣ်ဝဲဒီးတၢ်ကီတၢ်ခဲအကလုာ်ကလုာ်,တၢ်ကိၢ်တၢ်ဂီၤအမံၤမံၤ,တၢ်နးတၢ်ဖှီၣ်အခါခါ,ဒုးအိၣ်ထီၣ်ဝဲတၢ်ဘၣ်ယိၣ်သးအုးအဒိၣ်အမုၢ်,တၢ်သယုၢ်မဲာ်ထံကိၢ်ဂီၤ,တၢ်ဘၣ်မိၣ်ဘၣ်မးတဖၣ်န့ၣ်လီၤ.

ပှၤကိးဂၤဒဲးသ့ၣ်ညါဒီးနၢ်ပၢၢ်ဝဲလၢတၢ်သးဒိၣ်အံၤတဂ့ၤဘၣ်.မ့ၢ်တၢ်အၢန့ၣ်လီၤ.ပှၤလၢအတသးဒိၣ်တၢ်နီတဘျီသးဒိၣ်တၢ်တသ့လ့ၤတက့ၤအိၣ်တဂၤဂၤဧါ,လၢပလံာ်စီဆှံအပူၤန့ၣ်တၢ်ကွဲးအိၣ်ဝဲ,ယမ့ၢ်ကစၢ်လၢအသးက့ၣ်တၢ်ဒီးယသးဟ့တၢ်အၢတၢ်သီလီၤ.လၢယတၢ်အိၣ်မူတစိၤအံၤယထံၣ်ဘၣ်စ့ၢ်ကီးပှၤသးဂ့ၤ,ပှၤသးစူၤလၢပှၤစံးပတြၢၤအီၤအိၣ်တဘျုးဂၤလီၤ.ယကွၢ်ထံအီၤလီၤတံၢ်လီၤဆဲးဒီးယသ့ၣ်ညါလၢအပၢၤန့ၢ်ဆူၣ်အသးစ့ၢ်ကီးလီၤ.တခီၣ်တဘျီယနၢ်ဟူလၢအစံးဝဲလၢယသးအ့န့ဒီးယသးထီၣ်လီၤယသးအိၣ်စ့ၢ်ကီးလီၤ.

ပှၤတဂၤအိၣ်ဒီးအသးထဲတဖျၢၣ်လီၤ.သးဒိၣ်,သးဆံး,သးဖုၣ်,သးတီ,သးဂ့ၤ,သးအၢ,သးချ့,သးစူၤ,မ့ၢ်ဒၣ်နီၢ်ကစၢ်အတၢ်လီၤ.ဘၣ်ဆၣ်ယသ့ၣ်ညါလၢသးတဖျၢၣ်အံၤလီၤဂာ်ဒံးသ့ၣ်တထူၣ်လၢအအိၣ်ဒီးအဂံၢ်,အဒ့အလၣ်အါမးလၢပဒွးအီၤလၢာ်တသ့ဘၣ်န့ၣ်လီၤ.ယွၤအလံာ်ခိၣ်ဆၢၣ်ကွဲးစ့ၢ်ကီးဝဲ.သးဒိၣ်ထီၣ်ကီဒီးအဘျုးအဖှိၣ်အိၣ်အဝဲလီၤ.လၢတၢ်သးဒိၣ်အဃိဒုးလီၤနုာ်နမုၢ်တဂ့ၤ.ပှၤသးစူၤတဖၣ်ကန့ၢ်ဘၣ်သါထံဧိၤကီၢ်ဧိၤလီၤ.ပှၤဆီၣ်လီၤအသးတဖၣ်ကဘၣ်တၢ်ပာ်ထီၣ်ထီအီၤလီၤ.

ယွၤဆိၣ်ဂ့ၤသုကိးဂၤ

တံကရၣ်