“အဂ့ၢ်ဒ်အံၤ, တၢ်လၢ်ယွၤတသ့ဘၣ်န့ၣ်, တအိၣ်ဘၣ်နီတမံၤဘၣ်.”

တုၤပစံးလၢ “တၢ်လၢယွၤမၤတသ့တအိၣ်” လံန့ၣ်ဒီးအလီၢ်အိၣ်လၢပကသမံသိးလီၤက့ၤပသးဒီးသံကွၢ်လိၤက့ၤပနီၢ်ကစၢ်သး (self-Examination), ဖဲပမ့ၢ်ဘၣ်ကွၢ်ဆၢၣ်မဲာ်ဒီးတၢ်အိၣ်သး တၢ်တၤတၢ်(Challenges), တဖၣ် မ့မ့ၢ်လၢပှၤကညီအတၢ်ထံၣ် (Man thought) န့ၣ်ကဲထီၣ်အသးတသ့လ့ၤတက့ၤဘၣ် (it’s impossible) န့ၣ်ဒီး မ့ၢ်ယနာ်န့ၢ်ယွၤလၢလၢပှဲၤပှဲၤ လၢအကမၤတၢ်လၢအကဲထီၣ်သးတသ့ဘၣ် အံၤဆူတၢ်လၢအကဲထီၣ်အသးဟ့နီၢ်နီၢ် (Absolutely possible) န့ၣ်ဘၣ်ကဘူၣ်သပှၢ်တၢၢ်စ့ၢ်ကီးဧါ...

မ့ၢ်အဂ့ၢ်ဒ်လဲၣ်န့ၣ် ပဝဲပှၤဟီၣ်ခိၣ်ဖိတဖၣ်ညီအတၢ်နၢ်ပၢၢ်အန့ၣ်ဆၢၣ်မး ပနာ်လၢအကဲထီၣ်အသးသ့န့ၣ်တမ့ၢ်ဘၣ်ဧါ. မၤသးဒ်န့ၣ်ဒီး, ယွၤလၢပနာ်အီၤဒ်အမ့ၢ်သ့တၢ်လၢာ်ကစၢ် ယွၤလၢ “အမၤမူထီၣ် ပှၤသံဒီးကိးတၢ် တအိၣ်ဘၣ် ဒ်အအိၣ်အသိး” (ရိမ့ၤ ၄:၁၇) လၢအမ့ၢ်ပကစၢ်ယ့ၣ်ၡူးခရံာ် လၢအမၤနၢၤတၢ်သံဒီးဂဲၤဆၢထၢၣ်သမူထီၣ်က့ၤတဂၤအံၤ အတၢ်မၤဒိၣ်, အတၢ်စိတၢ်ကမီၤ, အတၢ်သ့တၢ်ဘၣ်, ဒီးတၢ်ဆိၣ်ဂ့ၤလၢအကဟ့ၣ်ပှၤဖဲပဘၣ်ကွၢ်ဆၢၣ်မဲာ်ဒီးတၢ်တၤတၢ်ဒီးပှၤ (Challenges) တဖၣ်အဖၢန့ၣ်မ့ၢ်ပကစူးကွံာ်ပတၢ်နာ်န့ၢ်အီၤဒီး ပာ်သတြီၤအတၢ်သ့ ဒီးပှၤကညီအတၢ်ထံၣ်လၢအမ့ၢ် (it’s impossible) န့ၣ်ဧါ.

မ်တၢ်သုတမၤအသးဒ်န့ၣ်တဂ့ၤ. မ့မ့ၢ်ဒ်ယွၤအခ့တီပှၤလိၤတဖၣ်လၢအလဲၤတဒီးယွၤ ဒီးနာ်န့ၢ်ယွၤလၢတၢ်တလီၤနာ်ဒီးကဲထီၣ်အသးတသ့လၢဟီၣ်ခိၣ်အတၢ်ထံၣ် ဒီးထံၣ်ဘၣ်ယွၤအတၢ်မၤအဒိၣ် သိးမ်ပလဲၤတၢ်ဒီးယွၤဒ်န့ၣ်အသိးတက့ၢ်. သ့ၣ်နီၣ်ထီၣ်က့ၤစီၤယိၤၡူ ဖဲယွၤမၢအလဲၤဒုးမၤလီၤပှီၢ်ဝ့ၢ်ယရံၤဃိအကတီၢ် ကစၢ်ယွၤတမၢဘၣ်အလဲၤဒုးတၢ်ဒီးမၤလီၤပှီၢ်အီၤဒ်ဟီၣ်ခိၣ်အန့ဆၢၣ်အသိးဘၣ်. မ့မ့ၢယွၤမၢအလဲၤဆၣ်ဝးတရံးဝ့ၢ်ယရံၤဃိ ဝံၤဒီးဟဲက့ၤအိၣ်ဘှံးလၢအဒဲန့ၣ်လီၤ. ဆိကမိၣ်ကွၢ်ဝ့ၢ်တဝ့ၢ်လၢနကဒုးမၤလီၤပှီၢ်အခိၣ်ဒူ နတဒိလီၤပှီၢ်, တီၢ်လီၤပှီၢ်, ခးလီၤပှီၢ်အီၤန့ၣ်ဒီးမ့ၢ်အလီၤပှီၢ်ဒီးဟးဂီၤဘၣ်ကသ့တဘျီဘျီဧါ. မ့ၢ်နာ်သက့ဒ်န့ၣ်ဒီးခီဖျိလၢစီၤယိၤၡူအတၢ်နာ်န့ၣ်ယွၤလၢလၢပှဲၤပှဲၤလၢယွၤအတၢ်တၢ်သ့ န့ၣ်တဒိးသန့ၤထီၣ်အသးလၢဟီၣ်ခိၣ်အတၢ်သ့အန့ဆၢၣ်ဘၣ်အဃိသတးဒီး လၢတၢ်လဲၤသရံးဝ့ၢ်ယရံၤဃိနွံနံၤတနံၤ ဒီးလၢနွံဝီတဝီအတၢ်ဆၣ်တရံးဒီးအတၢ်ကိးပသူထီၣ်န့ၣ်ဒီးဝ့ၢ်ယရံၤဃိလီၤပှီၢ် ဒီးစီၤယိၤၡူမၤနၢၤတၢ်လၢယွၤသ့တၢ်လၢာ်အတၢ်မၤအဒိၣ်အိၣ်ဖျါအပူတမ့ၢ်ဘၣ်ဧါ.

မ်ဒ်န့ၣ်ဒီးဒီပုၢ်ဝဲၢ်သးဘိလၢခရံာ်အပူၤသ့ၣ်သုဧါ, မ်ပသုတပာ်သတြီၤယွၤအတၢ်သ့ အတၢ်စိကမီၤဒီးဟီၣ်ခိၣ်အတၢ်သ့တၢ်ဘၣ်တဂ့ၤ. မ့မ့ၢ်နာ်န့ၣ်ယွၤလၢလၢပှဲၤပှဲၤဖဲပဘၣ်သဂၢၢ်ဒီးတၢ်တၤတၢ်ဒီးပှၤအကတီၢ်ဒီးမုၢ်လၢ်တၢ်အဒိၣ်လၢယွၤအပူၤတက့ၢ်. ဖဲန့ၣ်ပကထံၣ်ယွၤအစုတၢ်မၤဒိၣ်ဒီးပကဒိးဘၣ်အတၢ်ဆိၣ်ဂ့ၤလီၤလးသပှၢ်ကတၢၢ် ဒီးပကကဲထီၣ်အတၢ်အုၣ်သးလၢအဂီၢ် လၢအမ့ၢ်ယွၤသ့တၢ်လၢာ်ကစၢ် လၢဟီၣ်ခိၣ်အမဲာ်ညါန့ၣ်လီၤ.