တနွံအံၤတၢ်ကစီၣ်လၢပကစိာ်မူအီၤမ့ၢ်ဝဲ

ယ့ၣ်ၡူးအိၣ်ဖျဲၣ်လံာ်အုၣ်သး

လံာ်လူၤကၣ် 2:21 ဒီးတုၤဃိးနံၤပှဲၤထီၣ်လၢဖိသၣ်ကဘၣ်တၢ်ကူးတရံးဒီးတၢ်ယုၢ်ဝဲအမံၤလၢယ့ၣ်ၡူး,ဒ်ကလုူးန့ၣ်ယုၢ်ပာ်ဝဲလၢအတချုးအိၣ်ထီၣ်ဒံးဘၣ်လၢဟၢဖၢပူၤ,အသိးန့ၣ်လီၤ.

ဖဲလၢယ့ၣ်ၡူးအိၣ်ဖျဲၣ်ထီၣ်အဆၢကတီၢ်န့ၣ်မ့ၢ်ပှၤဟ့ၣ်အီၤတၢ်အိၣ်ဖျဲၣ်လံာ်အုၣ်သးစ့ၢ်ကီးဧါ,ယနာ်လၢတ အိၣ်ဝဲဒၣ်ဘၣ်.ဘၣ်ဆၣ်သနာ်က့ဒီးဖဲလၢအဝဲဒၣ်အိၣ်ဝဲဃိးသီပှဲၤထီၣ်န့ၣ်ဒိးဘၣ်တၢ်ကူးတရံးဒီးတၢ်ယုၢ်အ မံၤလၢယ့ၣ်ၡူးလီၤ.တၢ်အိၣ်ဖျဲၣ်လံာ်အုာ်သးန့ၣ်လၢစိၤဆၢကတီၢ်ခဲအံၤမ့ၢ်တၢ်လၢအကါဒိၣ်ဝဲလီၤ.တၢ်ဂ့ၢ် လၢအအိၣ်ဖျါထီၣ်ဝဲလၢတၢ်အိၣ်ဖျဲၣ်လံာ်အုၣ်သးအပူၤတဖၣ်န့ၣ်ညီနုၢ်တၢ်ကွဲးဖျါဝဲ,မိၢ်ဒီးပၢ်အမံၤ,အိၣ်ဖျဲၣ်မုၢ်နံၤ,အိၣ်ဖျဲၣ်တၢ်လီၢ်,ဒီးနီၢ်ကစၢ်မံၤန့ၣ်လီၤ.

တၢ်မ့ၢ်ဟ့ၣ်ဘၣ်ဖုးတၢ်အိၣ်ဖျဲၣ်လံာ်အုၣ်သးဆူနီၢ်မၤရံဒီးစီၤယိၤသးန့ၣ်,လၢလံာ်အုၣ်သးအပူၤနီၢ်မၤရံဒီးစီၤယိၤသးကမ့ၢ်ဝဲဒၣ်ယ့ၣ်ၡူးခရံာ်အမိၢ်န့ၣ်လီၤ.တၢ်မ့ၢ်ဟ့ၣ်ဘၣ်ဖုးတၢ်အိၣ်ဖျဲၣ်လံာ်အုၣ်သးဆူနီၢ်မၤရံန့ၣ်,ယ့ၣ် ၡူးတဖျါဝဲလၢအမ့ၢ်ယွၤအဖိခွါဘၣ်လီၤ.ယ့ၣ်ၡူးအတၢ်အိၣ်ဖျဲၣ်လံာ်အုၣ်သးမ့ၢ်တအိၣ်ဘၣ်ဆၣ်,ပဝဲဒၣ်ပှၤလၢအစူၢ်က့ၤနာ်က့ၤအီၤတဖၣ်န့ၣ်ပမ့ၢ်ဝဲဒၣ်အတၢ်အိၣ်ဖျဲၣ်လံာ်အုၣ်သးလီၤ.ယ့ၣ်ၡူးလၢတၢ်စံၣ်စိၤတဲစိၤအပူၤတဂၤန့ၣ်အိၣ်ဖျဲၣ်ဝဲလၢဘ့ၤသလ့ဃ့ၣ်အပူၤလီၤ.မ့မ့ၢ်ယ့ၣ်ၡူးလၢအမူဝဲလီၤထူလီၤယိာ်တဂၤန့ၣ်တုၤမ့ၢ်ပတူၢ်လိာ်အီၤဒီးအိၣ်ဖျဲၣ်ထီၣ်ဝဲလၢပတၢ်အိၣ်မူအပူၤလီၤ.ကိးမုၢ်နံၤဒဲးန့ၣ်ပမ့ၢ်ပှၤလၢအစိာ်ယ့ၣ်ၡူးအိၣ်ဖျဲၣ်လံာ် အုၣ်သးဒီးဒုးနဲၣ်ဖျါထီၣ်ဝဲအဂ့ၢ်လၢလၢပှဲၤပှဲၤန့ၣ်လီၤ.

ဖဲလၢယ့ၣ်ၡူးခရံာ်အိၣ်ဖျဲၣ်ထီၣ်ဝဲလၢပပူၤန့ၣ်ပှၤသ့ၣ်ညါဝဲဒၣ်ယ့ၣ်ၡူးအထူအထံးခဲလၢာ်လီၤ.အဂ့ၢ်ဒ်အံၤပမ့ၢ်ဝဲဒၣ်တၢ်အိၣ်ဖျဲၣ်အလံာ်အုၣ်သးလၢလီၣ်ဖျါထီၣ်အထူအထံးန့ၣ်လီၤ.တဘျီဘျီလၢလံာ်အုၣ်သးအပူၤယ့ၣ်ၡူးကဖျါဝဲလၢအမ့ၢ်ဖိသၣ်အိၣ်ဖျဲၣ်သီဖိတလါခံလါထီဘိလီၤ.မ့ၢ်ပကပျဲယ့ၣ်ၡူးအိၣ်ဖျဲၣ်သီလၢပူၤထီဘိလီဧါ,မ့ၢ်ပတဒုးဒိၣ်ထီၣ်အါထီၣ်အနံၣ်အလါဘၣ်တခီဧါ.ကိးနံၣ်ဒဲးဖဲလၢဒံၤစဲဘၢၣ်အလါန့ၣ်ပဟးပာ်ဖျါထီၣ်လၢပပျဲယ့ၣ်ၡူးအိၣ်ဖျဲၣ်ထီၣ်လၢပပူၤလီၤ.ဖဲလၢယ့ၣ်ၡူးအိၣ်ဖျဲၣ်ဝံၤအလီၢ်ခံန့ၣ်မ့ၢ်တၢ်အလီၢ်အိၣ်ဝဲလၢယ့ၣ်ၡူးကဘၣ်ဒိၣ်ထီၣ်ကိးမုၢ်နံၣ်ဒဲးလီၤ.

တၢ်ထုကဖၣ်- ပၢ်ကစၢ်ယွၤဧၢ,ယစံးဘျုးနၤလၢနဒုးကဲယၤလၢနတၢ်အိၣ်ဖျဲၣ်အလံာ်အုၣ်သးတဘ့ၣ်အဃိလီၤ.မၤစၢၤယၤ ဒံးသိးယကသုကဲလံာ်အုၣ်သးတဘ့ၣ်လၢအဒုးကဲယ့ၣ်ၡူးလၢဖိသၣ်ဆံးထီဘိတဂ့ၤ.လၢယ့ၣ်ၡူးခရံာ်အမံၤယစံးဘျုးနၤလီၤ.

ခရံာ်အိၣ်ဖျဲၣ်အတၢ်ဃူတၢ်ဖိးအိၣ်ဒီးသုထီဘိ… အၤမ့ၤ