တနွံအံၤတၢ်ကစီၣ်လၢပကစိာ်မူအီၤမ့ၢ်ဝဲ

ကွၢ်ဖဲတၢ်ကဟဲဘၣ်ယၤ

ဃဘးကူာ် 3:17 ချၢၣ်ဒၢမ့ၢ်တဆှိးဘၣ်ဆၣ်,တၤသၣ်မ့ၢ်တအိၣ်ဘၣ်လၢစပံးမုၢ်အလိၤဘၣ်ဆၣ်,သ့ၣ်စၤယံးအသၣ်မ့ၢ်လီၤဘီဘၣ်ဆၣ်,တၢ်အီၣ်တၢ်အီမ့ၢ်တအိၣ်လၢပှၢ်လၢ်ကျါဘၣ်ဆၣ်သိဒီးမဲာ်တဲးလဲးမ့ၢ်လၢာ်ဝဲလၢကရၢပူၤဘၣ်ဆၣ်,ဒီးဂီၤဘုၣ်ဂီၤဖံးမ့ၢ်တအိၣ်လၢအလီၢ်ပူၤဘၣ်ဆၣ်ဒီးယသူၣ်ကပိၢ်ယသးကဝးလၢယွၤအပူၤ,ယကသူၣ်ဖှံသးညီလၢတၢ်အုၣ်က့ၤခီၣ်က့ၤအကစၢ်အပူၤလီၤ.

ဖဲနဖးတၢ်ကစီၣ်အံၤအဆၢကတီၢ်မ့ၢ်နအိၣ်ဘၣ်လၢတၢ်အိၣ်သးဒ်လဲၣ်တကလုာ်အပူၤလဲၣ်,မ့ၢ်နအိၣ်ဘၣ်လၢကျိၣ်စ့အတၢ်ကီတၢ်ခဲအပူၤဧါ,မ့ၢ်နအိၣ်ဘၣ်လၢတၢ်ဖံးတၢ်မၤအတၢ်ကီတၢ်ကဲအပူၤဧါ,မ့ၢ်နတၢ်ဖံးတၢ်မၤတလဲၤအသးဘၣ်လီၢ်ဘၣ်စးဘၣ်န့ၣ်ဧါ,မ့ၢ်နတၢ်အိၣ်ဆူၣ်အိၣ်ချ့တဘၣ်လီၢ်ဘၣ်စးအိၣ်ဧါ,မ့ၢ်နတၢ်ရ့လိာ်မုာ်လိာ်သးဒီးနဟံၣ်ဖိဃီဖိဂ့ၤ,တံၤသကိးဂ့ၤ,နနီၢ်ဒီမါဝၤအတၢ်ရ့လိာ်ဘၣ်ထွဲတဂ့ၤဘၣ်ဧါ,နမ့ၢ်အိၣ်ဘၣ်လၢတၢ်ကီတၢ်ခဲအတၢ်အိၣ်သးတမံၤဂ့ၤတမံၤဂ့ၤဒီးမ့ၢ်နသူၣ်ပိၢ်သးဝးလၢကစၢ်ယွၤအပူၤကစီဒီဧါ,

ဒီပုၢ်ဝဲၢ်သ့ၣ်ဧၢတၢ်ကီတၢ်ခဲန့ၣ်ဟဲဒီးလဲၤပူၤကွံာ်ပှၤလီၤ.မ့မ့ၢ်ယွၤအတၢ်ဆိၣ်ဂ့ၤဒီးတၢ်န့ၢ်သါလၢပဂီၢ်န့ၣ်အိၣ်ဂၢၢ်ဆိးကျၢၤဝဲလီၤ.ဝံဃဘးကူာ်သိၣ်လိပှၤလၢအတၢ်အိၣ်မူတၢ်လဲၤခီဖျိလိၤလိၤလီၤ.အဝဲဒၣ်ဘၣ်ထံၣ်ဘၣ်တၢ်ကီတၢ်ခဲအါအါကလဲာ်လၢအတၢ်ကွၢ်ဆၢၣ်မဲာ်တဖၣ်အပူၤလီၤ.အဝဲဒၣ်ဒံးဃ့တၢ်လၢယွၤဒီးဒံးထံၣ်ဘၣ်တၢ်ကီတၢ်ခဲအါထီၣ်လီၤ.တၢ်ကီတၢ်ခဲလၢအဟဲဘၣ်ပကျဲတဖၣ်န့ၣ်တမ့ၢ်ဘၣ်လၢပဂီၢ်ဘၣ်,တၢ်လၢအဘၣ်ဃးဒီးပှၤန့ၣ်မ့ၢ်ဒၣ်တၢ်သူၣ်ပိၢ်သးဝးလၢယွၤအပူၤလီၤ.တၢ်ကီတၢ်ခဲန့ၣ်တမ့ၢ်ပတၢ်ဘၣ်.လၢပမ့ၢ်ယွၤအဖိအဃိတၢ်လၢပဘၣ်ဃးဒီးပှၤန့ၣ်တၢ်သူၣ်ဖှံသးညီလၢယွၤအတၢ်အုၣ်က့ၤခီၣ်က့ၤအပူၤဒီးသးမုာ်လၢယွၤပကစၢ်မ့ၢ်ပဂံၢ်ပဘါန့ၣ်လီၤ.

တၢ်ထုကဖၣ်- ပၢ်ကစၢ်ယွၤဧၢ,ယစံးဘျုးနၤလၢနဆှၢကဒီးယတၢ်အိၣ်မူလၢတၢ်ကီတၢ်ခဲတဖၣ်အကျါလီၤ.ယသ့ၣ်ညါလၢတၢ်ကီတၢ်ခဲန့ၣ်တမ့ၢ်တၢ်န့ၢ်သါလၢယဂီၢ်ဘၣ်.မ့မ့ၢ်တၢ်န့ၢ်သါလၢယဂီၢ်န့ၣ်မ့ၢ်တၢ်သူၣ်ခုသးခုဒီးတၢ်သူၣ် ပိၢ်သးဝးလၢနပူၤလီၤ.လၢယ့ၣ်ၡူးခရံာ်အမံၤယစံးဘျုးနၤဒီးယဃ့နၤလီၤ.အၤမ့ၤ

မ်ယွၤဆိၣ်ဂ့ၤနၣ်ဒီးကွၢ်က့ၤနၤတက့ၢ်… အၤမ့ၤ