တနွံအံၤတၢ်ကစီၣ်လၢပကစိာ်မူအီၤမ့ၢ်ဝဲ

တၢ်သးကညီၤ

အ့ဖ့းစူး 2 : 4

မ့မ့ၢ်ယွၤလၢအသူၣ်ကညီၤတၢ်ဒိၣ်သးကညီၤတၢ်အါန့ၣ်,မ့ၢ်အအဲၣ်ပှၤကွံပှၤအါအါကလဲာ်အဃိဒီး,ပှၤလၢအသံလၢတၢ်ကမၣ်အပူၤပဝဲဒၣ်အံၤမၤမူထီၣ်က့ၤဃုာ်ပှၤဒီးခရံာ်လီၤ.

တၢ်ကတိၤတထံၣ်အံၤဘၣ်ပှၤနၢ်,ဘၣ်ပှၤသးမုာ်ထီဘိလီၤ.လၢပကမၤအီၤအဂီၢ်တခီဒိၣ်ယိာ်ဝဲလီၤ.တမ့ၢ်တၢ်ကလီာ်ကလာ်ဘၣ်.ဆိမိၣ်,ကွၢ်ထံ,နီၤဖးဒီးသ့ၣ်ညါတၢ်ကတိၤတဖျၢၣ်အံၤအခီပညီတက့ၢ်.တဘျီတခီၣ်ယဆိၣ်ကမိၣ်ဒၣ်လဲာ်လၢ,တၢ်သးကညီၤအံၤတကြၢးကၢကီၣ်ဒၣ်လဲာ်ဒီးပှၤကိးဂၤလၢကိးဆၢကတီၢ်ဘၣ်န့ၣ်လီၤ.တၢ်သးကညီၤအံၤကဘၣ်အိၣ်ဒီးအဆၢသလီ,အကဘျံးကထြၢ,အတီၤပတီၢ်ဒၣ်ဝဲလၢအလီၢ်စုာ်စုာ်န့ၣ်လီၤ.ယနာ်ဒီးနၢ်ပၢၢ်စ့ၢ်ကီးလၢ,တၢ်အဲၣ်ဒီးတၢ်ဒိသူၣ်ဒိသးခံမံၤန့ၣ်ကမ့ၢ်တၢ်အိၣ်ဘူးကတၢၢ်ဒီးမၤဃုာ်တၢ်ဒီးတၢ်သးကညီၤန့ၣ်လီၤ.

ဖဲပထံၣ်ပှၤတဂၤဘၣ်ဒိဘၣ်ထံး,ဆူးဆါပှဲၤဒီးတၢ်ကအုကစွါအခါ,ဖဲပှၤတဂၤဂၤ,ဘၣ်မိၣ်ဘၣ်မးလၢတၢ်လီၤမၢ်ဖးဒိၣ်လၢထံၣ်က့ၤဝဲတသ့လၢၤဘအခါ,ဖဲပနၢ်ဟူထံၣ်ဘၣ်,ဟီၣ်ခိၣ်ဟူး,ကလံၤမုၢ်လီၤ,ထံဒိၣ်ကွးတၢ်,တၢ်ယီၤဃ့,စုကဝဲၤတၢ်ဒုး,ပှၤကလုာ်တၢ်မၤစှီၢ်,ဒီးအဂၤတဖၣ်ခါ,ပလဲၤအိၣ်သကိး,ကတိၤဟ့ၣ်ဂံၢ်ဟ့ၣ်ဘါ,မၤစၢၤအီၤဒ်ပမၤသ့အသိး,ဟ့ၣ်စ့မၤဘူၣ်,ဃ့ဘါထုကဖၣ်န့ၢ်အဂီၢ်လီၤ.တၢ်အံၤကမ့ၢ်တၢ်သးကညီၤဖးဒိၣ်လၢပမၤသ့တဖၣ်လီၤ.တၢ်အံၤမ့ၢ်လၢသူၣ်လၢသးနီၢ်နီၢ်ဒီးမ့ၢ်တၢ်ဂ့ၤဖးဒိၣ်လီၤ.

ပစံးဒၣ်ကလိာ်,ပတံၤသကိးတဂၤ,ခီဖျိပၢၤက့ၤအသးတန့ၢ်အဃိ,မၤသံတၢ်တမျာ်တၢ်,မၤကမၣ်ကွီၣ်မ့ၣ်ဒီးဃ့ကညးဃ့ဝံသးစူၤပှၤလၢ,ပကသးကညီၤအိၣ်ပှိၤပာ်ခူသူၣ်အီၤဒီးပဂ့ၤမၤဧါ,ကြၢးမၤဧါ,မတၤတဂၤပသ့ၣ်ညါအလုၢ်အလၢ်,အသကဲးပးကစီဒီ,ဃ့ပှၤစ့လၢကလဲၤဆူမၢသၢဘ့ၣ်အလီၢ်,ဂ့ၤပဟ့ၣ်ဧါ,လံာ်တကျိၤကွဲးဝဲ,နမ့ၢ်ထံၣ်လၢတမၣ်တဘိအမဲာ်ထံလီၤဘၣ်ဆၣ်,တဘၣ်ဆိကမိၣ်လၢအကသးကညီၤတၢ်တဂ့ၤ.မ့ၢ်နဆိကမိၣ်လၢဘီၣ်သိၣ်ကသးကညီၤကျီၢ်ဒီးသၣ်မံညီၤကသးကညီၤယုၢ်ဧါ, တၢ်သးကညီၤဒိၣ်န့ၢ်ယွၤသးကညီၤပှၤဟီၣ်ခိၣ်ဖိအဃိပျဲအဖိခွါထဲတဂၤဟဲပှ့ၤက့ၤဝဲလၢအသွံၣ်န့ၣ်တအိၣ်ဘၣ်.

အဂ့ၢ်ဒ်အံၤယွၤအဲၣ်ဟီၣ်ခိၣ်ဖိတုၤအဟ့ၣ်လီၤအဖိခွါအိၣ်ထဲတဂၤဃီ,ဒ်သိးပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ်အသုတဟးဂီၤတဂ့ၤဒီးကန့ၢ်ဘၣ်တၢ်မူအထူအယိာ်လီၤ.

ယွၤဆိၣ်ဂ့ၤသုကိးဂၤ

တံကရၣ်