တနွံအံၤတၢ်ကစီၣ်လၢပကစိာ်မူအီၤမ့ၢ်ဝဲ

တၢ်အၢ

ရိမ့ၤ7:15 

အဂ့ၢ်ဒ်အံၤ,တၢ်လၢယမၤန့ၣ်,ယတသ့ၣ်ညါဘၣ်.အဂ့ၢ်ဒ်အံၤ,တၢ်လၢယဆၢန့ၣ်ယတမၤဘၣ်.မ့မ့ၢ်တၢ်လၢယသးဟ့န့ၣ်ယမၤလီၤ.ဘၣ်ဆၣ်ဒီးယမ့ၢ်မၤတၢ်လၢယတဆၢဘၣ်န့ၣ်ဒီး,ယအၢၣ်လီၤအီလီၤလၢတၢ်သိၣ်တၢ်သီမ့ၢ်တၢ်ဂ့ၤတၢ်ဝါလီၤ.ဒီးခဲကနံၣ်အံၤ,တမ့ၢ်လၢၤဘၣ်ယၤလၢအမၤတၢ်န့ၣ်ဘၣ်.မ့ၢ်တၢ်ဒဲးဘးလၢအအိၣ်ဝဲဆိးဝဲလၢယပူၤလီၤ.

တၢ်အၢအံၤတဂ့ၤဘၣ်.တၢ်အၢအဒိၣ်ဂ့ၤအဆံးဂ့ၤမ့ၢ်ဒၣ်တၢ်အၢအဃိတဂ့ၤနီတခါဘၣ်.တၢ်အၢအံၤအိၣ်ထီၣ်ကဲထီၣ်ဒၣ်အတၢ်တသ့ဘၣ်.ကဲထီၣ်ဒၣ်လၢပှၤတဂၤဂ့ၤ,တၢ်တခါခါအဃိလီၤမ့ၢ်ပသ့ၣ်ညါဒီးနၢ်ပၢၢ်,ဆိကမိၣ်ဒီးနီၤဖးစ့ၢ်ကီးတၢ်အၢအံၤမ့ၢ်တၢ်ဒ်လဲၣ်,တၢ်မနုၤဒီးဘၣ်မနုၤအဃိအိၣ်ထီၣ်ကဲထီၣ်ဒီးတၢ်အၢအိၣ်ပှဲၤကလုာ်ပှဲၤခါစ့ၢ်ကီးန့ၣ်ဧါ,တၢ်အၢတၢ်သီ,တၢ်ဆိၣ်အၢ,တၢ်ဘၣ်ဆိၣ်ဒီးတၢ်လာ်အၢတဖၣ်န့ၣ်လီၤဆီလိာ်အသးဧါ

တၢ်ဆိၣ်တၢ်ထုမ့ၢ်တၢ်တမုာ်တလၤအဃိကဲထီၣ်တၢ်အၢတၢ်သီလီၤ.တၢ်စုဆူၣ်ခီၣ်တကး,တၢ်မၤဆါပယွဲတၢ်မၤသံတဖၣ်မ့ၢ်တၢ်အၢတၢ်သီဖးဒိၣ်လီၤ.တၢ်ထီဒုၣ်ထီဒါ,တၢ်ဒုးတၢ်ယၤတဖၣ်မ့ၢ်တၢ်သးဟ့သးဆါတၢ်အၢတၢ်သီဖးဒိၣ်လီၤ.ဟီၣ်ခိၣ်ဟူးထံဒိၣ်ကွးတၢ်,မ့ၣ်အူအီၣ်တၢ်,ကလံၤမုၢ်လီၤ.တၢ်ယီၤဃ့,ဒွဲၣ်တကံၤယုၢ်အီၣ်တုာ်တၢ်,တၢ်ဆါအၢသံသတြိာ်တဖၣ်န့ၣ်မ့မ့ၢ်န့ဆၢၣ်တၢ်မၤဒၢၣ်နာ်က့မ့ၢ်တၢ်ဆိၣ်အၢလီၤ.မ့ၢ်အဟဲစိာ်တၢ်သံတၢ်ဆါတၢ်ဟးဂီၤလီၤပှီၢ်,တၢ်သယုၢ်မဲာ်ထံကိၢ်ယွၤ,တၢ်ကိၢ်တၢ်ဂီၤတၢ်တတၢၢ်တနါဖးဒိၣ်အဃိလီၤ.

တၢ်အၢအကျါတၢ်ဘၣ်ဆိၣ်အၢတခါလီၤပျံၤဒိၣ်ကတၢၢ်လီၤ.ဂုၢ်လၢအဘၣ်ဆိၣ်အၢအံၤအစိၤစိၤအဃၣ်ဃၣ်ဘၣ်ဘျိၣ်ဒၣ်လၢအဟၢဖၢလီၤ.မိၢ်ဒိၣ်လၢအတဒိကနၣ်တၢ်အဂၤအဃိပိာ်မုၣ်ခဲလၢာ်ဘၣ်တၢ်ဟုးဆါဒီးကယဲၢ်တၢ်အမိၢ်ခဲလၢာ်ဘၣ်ဒံၣ်ဘၣ်ဖိပှဲၤဒီးတၢ်ဆါဆိးကဲးလီၤ.တၢ်ဆိၣ်အၢအအၢကတၢၢ်တခါမ့ၢ်တၢ်ဒဲးဘးဖးဒိၣ်,တၢ်သံလီၤစိၤန့ၣ်လီၤ.လၢယွၤအတၢ်သးကညီၤဒိၣ်အဃိယ့ၣ်ၡူးလုၢ်ထီၣ်ကွံာ်အသးလၢထူၣ်စုညါအလိၤလၢပှၤဟီၣ်ခိၣ်ဖိခဲလၢာ်အဂီၢ်ဒီးပှၤကိးဂၤပူၤဖျဲးကွံာ်ဝဲလၢတၢ်ဘၣ်ဆိၣ်အၢအံၤလီၤ.

တၢ်အၢအံၤမ့ၢ်ဒၣ်တၢ်ဒဲးဘးလၢအအိၣ်ဝဲလၢပပူၤအဃိ,ပမ့ၢ်သ့ၣ်ညါတၢ်ဂ့ၤဒၣ်လဲာ်ပတဆၢမၤအီၤဘၣ်.မ့မ့ၢ်တၢ်အၢလၢပတဆၢမၤအီၤဘၣ်န့ၣ်ပမၤအီၤလီၤ.တၢ်လၢအဒုးဟးထီၣ်ကွံာ်တၢ်ဒဲးဘးသ့မ့ၢ်ဒၣ်ထဲယ့ၣ်ၡူးအသွံၣ်န့ၣ်လီၤ.

မ်ပှၤကိးဂၤပူၤဖျဲးဒီးတၢ်အၢကိးအက့ၢ်အဂီၤတက့ၢ်.

တံကရၣ်ခိၣ်