တနွံအံၤတၢ်ကစီၣ်လၢပကစိာ်မူအီၤမ့ၢ်ဝဲ မၤယွၤအတၢ်ဒီးတၢ်သးခု
စံးထီၣ်ပတြၢၤ ၁၀၀:၂ မၤယွၤအတၢ်ဒီးတၢ်သးခု, ဟဲဆူအအိၣ်ဒီးတၢ်သးဝံၣ်တက့ၢ်. ဖဲပနုာ်လီၤဆူတၢ်ဖံးတၢ်မၤအလီၢ်, တၢ်မၤလိမၤဒိးအလီၢ် သ့ၣ်တဖၣ်အပူၤန့ၣ်သ့ၣ်ညါလၢပနုာ်လီၤဆူ ကစၢ်ယွၤအတၢ်ဖံးတၢ်မၤအလီၢ်န့ၣ်လီၤ. စံးထီၣ်ပတြၢၤ ၂၄:၁,၂ ဟီၣ်ခိၣ်, ဒီးတၢ်လၢအမၤပှဲၤအီၤန့ၣ် မ့ၢ်ယွၤအတၢ်, လၢာ်ခိၣ်, ဒီးပှၤအိၣ်ဝဲဆိးဝဲလၢအပူၤလီၤ. အဂ့ၢ်ဒ်အံၤ, ပာ်လီၤဝဲလၢအခီၣ်ထံးလၢ ပီၣ်လဲၣ်အဖီခိၣ်, ဒီးဒုးအိၣ်ဂၢၢ်ဆိးကျၢၤအီၤလၢထံကျိတဖၣ်အဖီခိၣ်လီၤ.
ပမ့ၢ်ယွၤအဖိဒီးဟ့ၣ်န့ၢ်သါပှၤလၢ အတၢ်စိတၢ်ကမီၤလၢလၢပှဲၤပှဲၤ လၢပကစိာ်အမံၤလၤသၣ်ကပီၤ ဒီးမၤအတၢ်လၢတၢ်သးခုအပူၤလီၤ. ဒီပုၢ်ဝဲၢ်သ့ၣ်ဧၢ, ပမ့ၢ်ယွၤအဖိလီၤ. ဟီၣ်ခိၣ်လၢပယီၢ်လီၤ, တၢ်လီၢ်လၢပနုာ်လီၤန့ၣ်မ့ၢ်ယွၤအတၢ်လီၤ. မၤယွၤအတၢ်လၢ တၢ်သးခုအပူၤတက့ၢ်. ပမ့ၢ်အိၣ်လၢတၢ်မၤလီၢ်အပူၤန့ၣ် တမ့ၢ်ထဲလဲၤဃုကျိၣ်စ့ဧိၤဘၣ်, ပလဲၤမၤယွၤအတၢ်မၤလီၤ. ကစၢ်ယွၤကိးပှၤလၢအတၢ်မၤပူၤတမ့ၢ်ထဲအိၣ်ဘှံးနံၤတနံၤဧိၤဘၣ်.
ကစၢ်ယွၤကိးပှၤကိးသီဒဲးလၢနွံသီအတီၢ်ပူၤ ဒီးကိးမုၢ်နံၤဒဲးတနံၤခံဆံလွံၢ်နၣ်ရံၣ်ပှဲၤပှဲၤလီၤ. ဖဲပအိၣ်အလီၢ်, မၤလိတၢ်အလီၢ်, မၤတၢ်အလီၢ်, လဲၤတၢ်အလီၢ်န့ၣ် ယွၤအိၣ်ဒီးပှၤဖဲန့ၣ်လီၤ. မၤသးခုထဲဒၣ်ပှၤလၢနကပၤတဂၤမ့ၢ်သ့န့ၣ်မ့ၢ်တၢ်ဆိၣ်ဂ့ၤ ဒီးနမၤလံယွၤအတၢ်မၤလံ. ဝးဝးနဃၢၤန့ၣ်မၤကပီၤ.
ယွၤသၢဂၤတဂၤဃီအစိကမီၤအိၣ်ဒီးသုထီဘိ. အၤမ့ၤ
facebook
Youtube
Instagram
Google Plus