တနွံအံၤတၢ်ကစီၣ်လၢပကစိာ်မူအီၤမ့ၢ်ဝဲ

ဘၣ်မနုၤအဃိတၢ်အဲၣ်ဘၣ်ဒိၣ်န့ၢ်တၢ်နာ်,တၢ်မုၢ်လၢ်လဲၣ်

1ကရံၣ်သူး 13 : 13 တၢ်နာ်,တၢ်မုၢ်လၢ်,တၢ်အဲၣ်တၢ်ကွံသၢမံၤန့ၣ်အိၣ်ဒၣ်အတၢ်လီၤ.မ့မ့ၢ်တၢ်အဒိၣ်ကတၢၢ်လၢအကျါမ့ၢ်တၢ်အဲၣ်တၢ်ကွံလီၤ.

တၢ်လၢအတၤတၢ်ဒီးပှၤလၢခ့ခါဆၢကတီၢ်အံၤအါမးလီၤ.ကရံၣ်သူးအတၢ်အိၣ်ဖှိၣ်အိၣ်ဒီးတၢ်ကီတၢ်ခဲအါမး,တၢ်ကီတၢ်ခဲလၢတၢ်ကလုၢ်ကလိၤ,တၢ်ဒိၣ်စိဒိၣ်ကမီၤ,နီၢ်သးတၢ်ပာ်ထီၣ်ထီသး,သးစီဆှံအတၢ်ဟ့ၣ်တဖၣ်,တၢ်ဘူၣ်ထီၣ်ဘါထီၣ်ယွၤအဂ့ၢ်,တၢ်အီၣ်ဘူၣ်အဂ့ၢ်တၢ်ဟ့ၣ်လၢပျ့ၤကိျာ်တဖၣ်, ဝံကျိာ်တဖၣ်, တၢ်နာ်လၢအဒိၣ်, တၢ်မၤဘျါ, တၢ်ကူၣ်သ့, တၢ်သ့ၣ်ညါ, 

မ့ၢ်တၢ်အိၣ်ဖှိၣ်လၢအထူးတီၤတဖုလီၤ. ဘၣ်ဆၣ်ဖှီၣ်ဝဲလၢတၢ်အဲၣ်တၢ်ကွံလီၤ

ကတိၤဒိ 15:17 အီၣ်တၢ်ဒိးတၢ်လၣ်အိၣ်ဒီးတၢ်အဲၣ်န့ၣ်ဂ့ၤန့ၢ်ဂီၤဖံးဘီၣ်တဒုအိၣ်ဒီးတၢ်သးဟ့တက့ၢ်လီၤ

စီၤပီလူးတယၢၤထီၣ်တၢ်နာ်အဒိၣ်အဆံးဘၣ်,မ့မ့ၢ်ယၢၤထီၣ်ဒၣ်တၢ်နာ်အဆူၣ်တၢ်နာ်အစၢ်လီၤ.တၢ်နာ်အဆူၣ်,တၢ်နာ်အစၢ်န့ၣ်မ့ၢ်ဒၣ်လၢတၢ်ဂ့ၢ်တမံၤမံၤအဖီခိၣ်,လၢတၢ်လုၢ်တၢ်လၢ်အဖီခိၣ်လီၤတၢ်နာ်လၢအဆူၣ်န့ၣ်သုတကဲတၢ်လီၤဃံၤလၢတၢ်နာ်အစၢ်အဂီၢ်တဂ့ၤ.တၢ်နာ်မ့ၢ်ဒၣ်လၢပဂီၢ်လီၤ,တၢ်မုၢ်လၢ်မ့ၢ်စ့ၢ်ကီးလၢပဂီၢ်လီၤ,လၢပှၤဂၤဂီၢ်တကဲဘျုးဘၣ်,ထဲဒၣ်တၢ်အဲၣ်တၢ်ကွံမ့ၢ်လၢပှၤဂၤအဂီၢ်,ဒီးအကတၢၢ်တအိၣ်ဘၣ်, 

တၢ်ဟ့ၣ်လၢပှၤတဂၤဒီးတဂၤအပူၤအိၣ်အါမး,တၢ်ဟ့ၣ်လၢတၢ်မၤဘျါပှၤဆါ,တၢ်ဟ့ၣ်လၢဝံအကျိာ်,တၢ်ဟ့ၣ်လၢတၢ်ကူၣ်သ့,တၢ်ဟ့ၣ်လၢသဆၣ်ထီၣ်ပှၤအဂၤ,တၢ်ဟ့ၣ်ခဲလၢာ်ပူၤကွံာ်ဝဲဒီးမ့ၢ်ဒၣ်လၢတကတီၢ်ဘၣ်တကတီၢ်အဂီၢ်လီၤ,တအိၣ်လီၤစိၤလီၤထီလၢပှၤအပူၤဘၣ်အလီၢ်တအိၣ်လၢပဘၣ်ဂုာ်လူၤန့ၢ်အီၤဘၣ်

ပမ့ၢ်ဂုာ်လူၤန့ၢ်အီၤဒီး,ပမ့ၢ်တန့ၢ်ဘၣ်အီၤန့ၣ်ကကဲထီၣ်တၢ်သးတမုာ်,တၢ်ထံၣ်ဆံးလီၤသး,တၢ်ထံၣ်အၢလီၤသး,တၢ်သးဟးဂီၤ,တၢ်တူၢ်ဃၣ်ကွံာ်ပသးလီၤ,တဘျီဘျီပှၤတဲပတၢ်နာ်တဒိၣ်ဘၣ်အဃိ,ပဃ့ဘါထုကဖၣ်န့ၢ်ပှၤဆါအဂီၢ်တဘျါဘၣ်,တလိၣ်လၢပတၢ်နာ်ကဘၣ်ဒိၣ်ဘၣ်,လိၣ်ဝဲဒၣ်လၢပတၢ်နာ်ကဘၣ်ဂၢၢ်,တကဒံကဒါတကဒံကဒါဘၣ်လီၤ.

တၢ်မုၢ်လၢ်လၢယ့ၣ်ၡူးခရံာ်အပူၤ,န့ၣ်မ့ၢ်စ့ၢ်ကီးပဂီၢ်လီၤ.တမ့ၢ်လၢပှၤဂၤအဂီၢ်ဘၣ်.ပသုတမၤတၢ်လၢပဂီၢ်ဒၣ်ပဝဲတဂ့ၤ,ပကမူလၢပှၤအါဂၤအဂီၢ်အဃိ,ခရံာ်ပာ်တ့ၢ်ပှၤဒီးမူဒါလီၤတၢ်အဲၣ်တၢ်ကွံန့ၣ်မ့ၢ်လၢပှၤကိးဂၤအဂီၢ်အဃိမ့ၢ်တၢ်အဒိၣ်ကတၢၢ်လီၤ.တၢ်မ့ၢ်ဝဲလၢပှၤသ့ၣ်ညါယွၤအဂီၢ်,ပှၤတသ့ၣ်ညါယွၤအဂီၢ်,ပှၤသူဖံးအဂီၢ်,ပှၤဝါဖံးအဂီၢ်လီၤ.

တၢ်အဲၣ်တၢ်ကွံန့ၣ်ဝံသးစူၤတၢ်,ဒိးတၢ်,တဃုတၢ်တဂ့ၤတဘၣ်,တဃုတၢ်အၢတၢ်သီ,တမၤနီၣ်ဃာ်တၢ်အၢတၢ်သီ,တဃုအဘျုး,တၢ်အဲၣ်န့ၣ်မ့ၢ်ဒၣ်လၢပှၤဂၤအဂီၢ်အဃိမ့ၢ်တၢ်အဒိၣ်ကတၢၢ်လၢပဘၣ်လူၤအီၤ,

ရိၤမ့ၤ 13:8-14 သုတအိၣ်ဒီးကမၢ်လၢပှၤဂၤနီတမံၤတဂ့ၤ,ထဲတမံၤလၢသုဘၣ်အဲၣ်လိာ်ကွံလိာ်သုသးတက့ၢ်.

တၢ်အဲၣ်န့ၣ်တမၤအၢဘၣ်ပှၤအိၣ်လၢအဃၢၤနီတမံၤဘၣ်.မၤသးဒ်န့ၣ်ဒီးတၢ်အဲၣ်တၢ်ကွံန့ၣ်မ့ၢ်တၢ်မၤလၢထီၣ်ပှဲၤထီၣ်တၢ်သိၣ်တၢ်သီလီၤ.

အဲၣ်ယွၤနကစၢ်လၢနသူၣ်ကံၢ်သးလဲ,အဲၣ်ပှၤလၢနဃၢၤဒ်နအဲၣ်လီၤနသးအသိးန့ၣ်တက့ၢ်.

ယွၤဆိၣ်ဂ့ၤသုဝဲပှၤစီဆှံခဲလၢာ်တက့ၢ်.