တနွံအံၤတၢ်ကစီၣ်လၢပကစိာ်မူအီၤမ့ၢ်ဝဲ

တၢ်ဃံတၢ်လၤ

ကတိၤဒိ

တၢ်အဃံအလၤန့ၣ်လီန့ၢ်တၢ်,ဒီးတၢ်အက့ၢ်ဂ့ၤအဂီၤဂ့ၤမ့ၢ်တၢ်ကလီကလီလီၤ.မ့မ့ၢ်ပိာ်မုၣ်လၢအပျံၤယွၤန့ၣ်တၢ်ကစံးထီၣ်ပတြၢၤအီၤလီၤ.

လၢဟီၣ်ခိၣ်အံၤတၢ်ဃံတၢ်လၤအိၣ်ဝဲအါမးလၢပဂံၢ်ဒွးတဘၣ်ဘၣ်န့ၣ်လီၤ.တၢ်ဃံတၢ်လၤအိၣ်ဝဲခံမံၤလၢပထံၣ်အီၤလၢပမဲာ်သ့ဒီးထံၣ်အီၤသ့လၢသးစ့ၢ်ကီးန့ၣ်လီၤ.တၢ်အံၤပစံးလၢ(နီၢ်ခိဒီးနီၢ်သး)န့ၣ်လီၤ.တၢ်ဃံတၢ်လၤလၢပှၤကညီကူၣ်ဆိကမိၣ်ဒီးတ့ထီၣ်ဘှီထီၣ်ဝဲဒီးန့ဆၢၣ်တၢ်ဃံတၢ်လၤလၢကစၢ်ယွၤတ့လီၤပာ်လီၤဝဲတဖၣ်န့ၣ်လီၤ.ဒ်တၢ်ဃံတၢ်လၤအိၣ်ဝဲအသိးန့ၣ်တၢ်လာ်အၢအိၣ်စ့ၢ်ကီးဝဲလီၤ.ပှၤကိးဂၤဒဲးအဲၣ်ဒိးလၢဒိၣ်တၢ်ကဂ့ၤလီၤ.ပှၤတအဲၣ်ဒီးလာ်အၢနီတဂၤဘၣ်.

ယနာ်စ့ၢ်ကီးလၢပမ့ၢ်စံးပဝဲ.တၢ်ဃံတၢ်လၤကတၢၢ်လၢဟီၣ်ခိၣ်အံၤန့ၣ်မ့ၢ်သးအတၢ်ဃံတၢ်လၤန့ၣ်ပှၤကိးဂၤကအၢၣ်လီၤသကိးဝဲလီၤ.အဂ့ၢ်ဒ်အံၤ.ဖုသရၣ်ဒိၣ်ရိလဲအတၢ်သးဝံၣ်စံးဝဲ-ဟ့ၣ်ယၤနသးဖိသးဘိ,နသးအဃံအလၤ,ပှၤကနၣ်မုာ်ကိးဂၤလီၤ.တၢ်ဃံတၢ်လၤစံးတၢ်န့ၣ်မ့ၢ်ဒၣ်တၢ်ဂ့ၤလီၤ.တၢ်လၢအဂ့ၤန့ၣ်မ့ၢ်ဒၣ်တၢ်အသီလီၤ.တၢ်အသီတုၤအယံာ်ထီၣ်ဒီးမ့ၢ်က့ၤတၢ်လီၢ်လံၤလီၤ.တၢ်အလီၢ်လံၤလၢအဂ့ၤတဖၣ်န့ၣ်တနီၤဂ့ၤန့ၢ်ဒံးတၢ်အသီဒီးတနီၤဂ့ၤထီဘိအဃိ,တၢ်အဂ့ၤတဖၣ်န့ၣ်မ့ၢ်တၢ်အဂ့ၤကတၢၢ်ဒီးမ့ၢ်တၢ်ဃံတၢ်လၤလီၤ.

လ့ကစၢၢ်အလူၢ်တဖၣ်,လပီဝါခိၣ်တဖၣ်,ဖီအကလုာ်ကလုာ်တဖၣ်,ကစၢ်ကလိတၢ်လူၢ်တၢ် တြီၤ,သ့ၣ်ပှၢ်လါဟ့,ပျီလါဟ့အတၢ်ဃံတၢ်လၤတဖၣ်န့ၣ်မ့ၢ်တၢ်လၢအမၤမုာ်နသးဒီးဘၣ်နမဲာ် ခုၣ်မးလီၤ.န့ဆၢၣ်အထံလီၤဆူဖးဒိၣ်လၢကစၢ်ယွၤတ့ဝဲအံၤတမၤကီပှၤကညီဘၣ်.ဟ့ၣ်တၢ်မုာ်ဒီးတၢ်ဘျုးတခီလီၤ.ပှၤဟီၣ်ခိၣ်ဖိတ့စ့ၢ်ကီးဝဲ,ကျိဖးဒိၣ်ချံတဖၣ်,မ့ၣ်ပိၢ်ဖးတဖၣ်,မျီာ်သၣ်ယူၤတ ဖၣ်,ကဘီယူၤဒုးသုးတဖၣ်,ကဘီထံလာ်တဖၣ်,ဃံးဃီၣ်ဒီၣ်ဒီးပကွၢ်ဃံလၤကစီဒီလီၤ.ဒ်အဂ့ၤဝဲအသိးန့ၣ်အၢစ့ၢ်လီးလီၤ.အဂ့ၢ်ဒ်အံၤမ့ၢ်ဒၣ်ပှၤကညီအတၢ်မၤဃံမၤလၤအဃိလီၤ.

မတၤတဂၤဒိၣ်တၢ်တဂ့ၤဘၣ်.ဘၣ်ဆၣ်မဲာ်ကမှံ,ကလုၢ်ဆၢ,သးသ့,သးစူၤ,မၤဂ့ၤတၢ်,မၤစၢၤတၢ်,မၤဘျုးတၢ်,ပးကဲတၢ်.ဆီၣ်လီၤအသးလီၤ.အနီၢ်ခိမ့ၢ်အိၣ်ဖျါလာ်အၢနာ်က့အသးဃံလၤဝဲဒိၣ်မးဒီးအမံၤအိၣ်ကွဲးအသးလၢပှၤဂ့ၤစရီပူၤလီၤ.ပှၤတဂၤဒၣ်,ဖံးရူၤညၣ်ဝါဂ့ၤသမိးတဲအလီၢ်တအိၣ်ဘၣ်.နာ်က့လီၤထွံလၢမၢသၢဘ့ၣ်အပူၤလၢာ်လၢာ်ကီးကီးဒီးအမံၤအိၣ်ကဲွးဒၣ်အသးထဲကွီၢ်မ့ၣ်,ကွီၢ်ထံဂီၤအပူၤလီၤ.တၢ်အိၣ်မူဒ်အံၤတၢ်ဃံတၢ်လၤလီၤမၢ်ကွံာ်ဝဲခဲလၢာ်လီၤ.

ယွၤဆိၣ်ဂ့ၤသု

တံကရၣ်